حياكم بنات ..

[بنوته المحرق]

مرحباا بنااات

شخباررررررركم

انه عندي مشكله اتمنى انك تنصحوني شسووي لاني واايد متضااايقه
الله يسلمكم انه متعرفه ع وحده من 4 سنوات الحين تقريباا والحمد لله اهي نعم الاخت والصديقه
اونه احبها واايد واعتبرها اختي ..

بس هالسنه صارت مشكله وانه واايد تضايقت عشانها
البنت من جم يوم اتصل لها صبي واخت رفيجتي شالت التلفون وقال ان يبي يكلم صاحبت التلفون واهي اخت رفيبجتي سيده راحت قالت حق امها ان بنتها ع علاقه مع وااحد

الام قالت للها انها واااثقه فيها وبنتها مستحيل تسووي هالشي

والمشكله انها قالت ان الصبي مني انه وانه اللي مطرشه له الرقم وقايله له عن الاسم ورقمها وكل شي عنها وانه والله ماادري عن الصبي ولا اعرفه ولا لي سالفه حتى بالموضوع يعني انه مسحيل اسوي هالشي ورفيجتي هم عارفه اني بنت ناس ومحترمه واخااف ع ربعي اكثر من مااخاف ع نفسي

وانه مابيني وبينها شي حق اضرها او اسوي لها شي وانه ماعندي هالحركاات وبالعكس ياخوااتي انه والله من زود خوفي عليها وحبي لها نصحت بشئ اهي تسويها

لكن اهلها جازوني بالشكر انهم طلبو منها انها ماتكلمني واهي قالت لي هالحجي مع اني مظلوووووووووومه
وانه قلت لها وفي وقلبي متقطع من الكلام اللي اسمعه منها قلت لها ذي امج ولا زم تسوين اللي تبيه
قالت انه بقول حق امي اني ماكلمج خلاص وقالت لي ان جفتي اختي لاتكلمينها او شي
قبلت الامر وتمت علاقتي وياها اوكي لانها رفيجتها
وعقبها بيوم البنت تغيرت وردت عن الكلام اللي قالته ،تدش كانها ماتجوفني ولاتسلم علي يعني قبل طول الوقت وياي ونسولف والحين في الصف تسلم ع كل البنات الا انه !! انه واايد استغربت منها يعني لو انه صج مسويه هالشي بقول استااااهل

وموبس يات عليها اهي في بنت صديقتنه بعد كنه احنه الثلاثه دايماا ويا بعض في كل مكان وصديقتي الثانيه زهرة هم اهي ماتكلمني واليوم سوت حركه اقهرتني من قلب كنه،كنت انه وااقفه ويمي بنات والله انها سلمت عليها وانه كنها ماجافتني

وصاروا الحين اهم الثنتين دايماا وياا بعض وانه صرت بررروحي لانه مو متعوده اقعد مع أي بنات غيرهم واهم ربعي وانه احبهم

سوري ع الاطااله بس مااعندي احد اشكي له في اللي دااااخلي

واتمنى منكم مسااعده

[ملوكة المزيونة]

والله اختي مو عارفة شنو اقولج بس اهم الغلطانين وانتي حاولي انج تتقربين من بنات ثانية اهم الخسرانين

[بنوته المحرق]

تسلمييين حبيبتي

بس صعب اني احصل لي صديقه غيرهم وانه كلش مو من النوع اللي بسررعه يتأقلم ويا النااس

[بنوته المحرق]

تسلمييين حبيبتي
بس صعب اني احصل لي صديقه غيرهم وانه كلش مو من النوع اللي بسررعه يتأقلم ويا النااس

[زوجي وبنتي هم دنيتي]

مرحبا بك أختي والله من رايي اللي باعك بعه ليش تدورين وراهم خليهم اهم اللي يجونك وشوفي لك صديقه ثانيه بس مو اي وحده تشوفينها تقولين هذي صديقتي لا تثقين في احد غير امك واخواتك فقط


وهذي اتركيها مصيرها ترضى من نفسها

اتمنى اني افدتك